Unda Markaziy Yevrosiyo mamlakatlarining startap va venchur kapital bozoridagi yetakchi ishtirokchilari qatnashdi. Yaqinda Fond fondlari maqomiga ega bo‘lgan UzVC — O‘zbekiston Milliy Venchur Kapital Fondi ham mazkur forumda faol ishtirok etdi.

UzVC investitsiyalar direktori Abdu­lazal Toshxo‘jayev “Fond fondlarining startap ekotizimlarini rivojlantirishdagi o‘rni” mavzusidagi panel muhokamasida qatnashdi. U bilan birga Qozog‘istonning yetakchi institutlari — Qazaqstan Venture Group (QVG) va Qazaqstan Investment Corporation (QIC)  rahbarlari ham ishtirok etdilar.

Panelda transchegaraviy hamkorlik, xalqaro investitsiyalarni jalb qilish va mahalliy venchur bozorini rivojlantirish uchun institutsional kapital zarurati haqida fikr almashildi.

UzVC O‘zbekiston va butun mintaqada startaplar rivojiga qulay muhit yaratish va global investorlarni jalb qilish yo‘lida faol ishlashda davom etadi.